સોમવાર, ૧ ઓક્ટોબર, ૨૦૧૮
૨૨:૦૦ કલાકે (ભારતીય માનક સમય)
અદ્યતન #૬૦ (વિસ્તૃત)

પ્રિય ગુરુ-પરિવાર, શિષ્યો અને શ્રી શ્રીમદ્દ જયપતાકા સ્વામી મહારાજના શુભચિંતકો,

આજે તમારામાંથી મોટાભાગના લોકોએ www.facebook.com/jayapatakaswami પર ગુરુ મહારાજને રજા આપવામાં આવી રહેલા જીવંત વિડિયો જોયો હશે. તબીબો અને કર્મચારીઓની ગ્રાઉન્ડ ટીમ કે જે આટલી મહેનત કરી રહી છે, એટલી ઉત્સાહિત હતી કે તેઓએ તરત જ તેનું જીવંત પ્રસારણ કરવાનું અને આપણા બધા સાથે સહભાગી થવાનું નક્કી કર્યું. આપણે બધા કે જેમની તીવ્ર પ્રાર્થના, કાર્યક્રમો અને તપસ્યાએ આ દિવસ જોવા માટે તમામ અવરોધોને દૂર કરવામાં યોગદાન આપ્યું છે. છેલ્લા થોડા દિવસોમાં ગુરુ મહારાજ સ્થિર રહ્યા છે અને તેણે સારવાર કરનારા તબીબો અને અમને બધાને તેમને રજા આપવા માટેનો વિશ્વાસ અપાવ્યો છે.

આજે સવારે બધા નિષ્ણાતોએ ગુરુ મહારાજને જોયા હતા અને તેમની સ્થિતિ અને ઘરની સુવિધાઓનું મૂલ્યાંકન કર્યા પછી તેઓ ગુરુ મહારાજને રજા આપવા માટે સહમત હતા અને ખુશ થયા હતા. તબીબોને લાગ્યું કે તેમને ઘરે સ્થાપિત આઈસીયુમાં સ્થળાંતરિત કરવા એ, ગુરુ મહારાજને ઝડપથી પુનઃસ્વાસ્થ્ય પ્રાપ્તિ કરવામાં મદદ કરશે.

ગુરુ મહારાજના ઘરને સારી રીતે તૈયાર કરવામાં આવ્યું છે અને તેને આઇસીયુમાં રૂપાંતરિત કરવામાં આવ્યું છે. તેઓ હોસ્પિટલના આઈસીયુમાંથી ઘરના આઈસીયુમાં જઈ રહ્યા છે. ઘર બધા જરૂરી સાધનો અને સુવિધાઓ સાથે ફરીથી તૈયાર કરવામાં આવ્યું છે. તેમની પાસે બે વ્યાવસાયિક નર્સ અને અમારા તબીબ ભક્ત પ્રતિ દિવસ ૨૪ કલાક રહશે. ગુરુ મહારાજે સમીક્ષાઓ અને ચકાસણી માટે સમયાંતરે હોસ્પિટલની મુલાકાતે જવું પડશે.

મુલાકાતીઓ પરના પ્રતિબંધ તબીબો દ્વારા હોસ્પીટલમાં સૂચવવામાં આવેલા હતા તેના જેવા જ રહેશે. આ રજા પહેલાંની તેમની શરતોમાંથી એક છે. ગ્રાઉન્ડ પરના તમામ તબીબો અને સેવકોને ચેપી રોગો માટે રસી લગાવવામાં આવી છે અને પરીક્ષણ કરવામાં આવ્યા છે કારણકે ગુરુ મહારાજને ઓછામાં ઓછા બીજા ૨ મહિના માટે અલગ રાખવાના છે.

અમે જેઓ ચેન્નઈમાં સ્થિત છે, એ લોકો સહિત કે જેમણે ગ્રાઉન્ડ ટીમની સહાયતા માટે સેવાઓ કરવાના હોય તેવા લોકો સહિત દરેક અને તમામને વિનંતી કરીએ છીએ કે ગુરુ મહારાજના દર્શનની ઈચ્છાને ટાળે કારણ કે આ તેમના સ્વાસ્થ્ય માટે ફાયદાકારક રહેશે નહીં. અને નેતાઓ સહિત, જેઓ ચેન્નઇની બહાર છે, તેમને વિનંતી કરીએ છીએ કે ગુરુ મહારાજના દર્શનની ઇચ્છાને ટાળો કારણ કે આ તેમને ચેપના મોટા જોખમમાં મૂકી શકે છે. ગુરુ મહારાજના આભાસી દર્શન આપવા માટેની યોજનાઓ ચાલી રહી છે પરંતુ તે સંપૂર્ણ રીતે તેમની કાર્યક્રમ પર નિર્ભર રહેશે, કે જે તેમની ઝડપી પુનઃસ્વાસ્થ્ય પ્રાપ્તિ માટેની જરૂરી પ્રવૃત્તિઓથી ભરપૂર હશે.

આગામી થોડાક મહિનાઓ બધા દ્વારા ખૂબ જ સાવચેતી રાખવા સાથે ખૂબ જ મુશ્કેલ અને નિર્ણાયક છે. હવે સમય આભાર માનવાનો સમય છે, અને ગુરુ મહારાજની પુનઃસ્વાસ્થ્ય પ્રાપ્તિ અને સારી પ્રગતિ માટે વધુ સતત તીવ્ર પ્રાર્થના માટેનો પણ છે. તેથી, ચાલો આપણે બધા આપણી તીવ્ર પ્રાર્થનાઓ ચાલુ રાખીએ અને ગુરુ મહારાજની પ્રસન્નતા માટે www.jayapatakaswami.com પર વિગતો પ્રકાશિત કરીએ. આ ઐતિહાસિક દિવસે ઘણા દાયકાઓ પહેલા શ્રીલ પ્રભુપાદે સંયુક્ત રાષ્ટ્ર અમેરિકાના કિનારા પર ચરણ સ્થાપિત કર્યા હતા, ચાલો આપણે ગુરુ મહારાજ માટે કૃષ્ણને પ્રાર્થના કરીએ કે તેઓ શ્રીલ પ્રભુપાદ પ્રતિ તેમનાવચનો પૂરા પાડવા માટે સક્ષમ થાય.

જેપીએસ સેવા સમિતિ અને સ્વાસ્થ્ય સમૂહ વતી,
આપનો સેવક,
મહાવરાહ દાસ