ગુરુવાર, ૩૦ ઓગસ્ટ ૨૦૧૮,
૨૨:૩૦ કલાકે (ભારતીય માનક સમય)
અદ્યતન # ૨૭.

સામાન્ય રીતે ગુરુ મહારાજના આવશ્યક પરિમાણો સ્થિર છે તેના સિવાય કે હિમોગ્લોબિન સ્તર જેમાં રક્તસંક્રમણ પછી પણ સુધારો થયો નથી. વધુ રક્તસંક્રમણ કરવાની યોજના છે અને વ્યવસ્થા કરવામાં આવી રહી છે કારણ કે તેમની પુનઃસ્વાસ્થ્યપ્રાપ્તિ માટે આ આવશ્યક છે. કોઈપણ ચેપ માટે તેમનું ધ્યાનથી નિરીક્ષણ કરવામાં આવી રહ્યું છે. તેમની શ્વસનક્રિયા ચિંતાનો વિષય બની છે જેનું કારણ છે તેમના નબળા ફેફસાં અને નીચું ઉર્જા સ્તર જે એ હકીકતને કારણે છે કે જેટલી માત્રામાં ખાવું જોઈએ તેટલું ખાવા માટે તેઓ સક્ષમ નથી. નબળા ફેફસાંની ક્ષમતા તેમના અવાજને અશ્રાવ્ય બનાવી રહી છે અને તેથી ગુરુ મહારાજ વારંવાર વર્ણમાળા ચાર્ટનો વધુ વખત ઉપયોગ કરે છે.

ગુરુ મહારાજ વ્યક્ત કરી રહ્યા છે કે જયારે સર્જિકલ ઘા ની સફાઈ અને ડ્રેસિંગ કરવામાં આવી રહ્યું હોય છે ત્યારે તેઓને પીડા થાય છે. તેમને સવારે અને સાંજે ૨ કલાક માટે ખાવાથી દૂર રહેવાનું હોય છે કે જેથી મહત્તમ શોષણ માટે ખાલી પેટે ઇમ્યુનોસપ્પ્રેસન્ટ્સ આપવામાં આવી શકાય.

એ સમજાવવું શક્ય નથી કે ગુરુ મહારાજ કેવી મુશ્કેલીઓ અને અગવડમાંથી પસાર થઈ રહ્યા છે અને આ ક્ષણે આપણે આપણી પ્રાર્થનાને તીવ્ર કરવાની અને આપણી સાધના સખત રીતે કરવાની અને પ્રચાર તથા પુસ્તક અને પ્રસાદ વિતરણ કરવાની પણ જરૂર છે. આ માટે કૃપા કરીને નીચે આપેલી શ્રીમદ્દ ભાગવતમ મેરેથોનની માહિતી જુઓ:

“જો કોઈ વ્યક્તિ ભાદ્ર મહિનાની પૂર્ણિમાના દિવસે શ્રીમદ્દ ભાગવતમને સોનાના સિંહાસન પર સ્થાપિત કરે છે અને ભેટ તરીકે આપે છે, તો તેને પરમ દિવ્ય ગંતવ્ય પ્રાપ્ત થશે.”
– શ્રીમદ્દ ભાગવતમ ૧૨.૧૩.૧૩

“હું મારા ક્ષેત્રના તમામ મંદિરોને શ્રીલ પ્રભુપાદની ખુશી માટે શ્રીમદ્દ ભાગવતમની પ્રતિઓનું વિતરણ કરવા માટે આ અભિયાનમાં ભાગ લેવા માટે વિનંતી કરું છું. બધા કેન્દ્રોમાંથી બહાર જઈ રહેલી શ્રીમદ્દ ભાગવતમની પ્રતિઓ મને મહાન આનંદ આપશે કારણકે હું જાણું છું કે આ શ્રીલ પ્રભુપાદને વધુ વધારે પ્રસન્ન કરે છે.”
– શ્રી શ્રીમદ્દ જયપતાકા સ્વામી

અમે ગુરુ મહારાજની ઝડપી પુનઃસ્વાસ્થ્ય પ્રાપ્તિ માટે ભાદ્ર ​​પૂર્ણિમાના દિવસ (૨૪મી/૨૫મી સપ્ટેમ્બર) સુધીમાં શ્રીમદ્દ ભાગવતમની ૧૦૦૮ પ્રતિઓને પ્રાયોજીત કરવાનું એક અભિયાન બનાવ્યું છે. અમે ગુરુ મહારાજના બધા શિષ્યો અને શુભચિંતકોને પ્રોત્સાહિત કરીએ છીએ કૃપા કરીને આ દિવ્ય કારણનું સમર્થન કરો. સંપૂર્ણ વિગતો માટે કૃપા કરીને www.jayapatakaswami.com ની મુલાકાત લો.

કૃપા કરીને આપણા ગુરુ મહારાજની પુનઃસ્વાસ્થ્ય પ્રાપ્તિ માટે તમામ પ્રાર્થનાઓ અને વિશેષ પ્રોગ્રામના આયોજનના અહેવાલો ફોટા સાથે નીચેની વેબસાઈટ પર મોકલો:
www.jayapatakaswami.com પર

જેપીએસ સેવા સમિતિ અને સ્વાસ્થ્ય સમૂહ વતી.
આપનો સેવક,
મહાવરાહ દાસ