સોમવાર, ૨૦ ઓગસ્ટ, ૨૦૧૮
૨૦:૩૦ કલાકે (ભારતીય માનક સમય)
અધતન # ૧૭

પ્રિય ગુરુ-પરિવાર, શિષ્યો અને ગુરુ મહારાજના શુભચિંતકો,

આજે બપોરે ૧:૩૦ કલાકની આસપાસ, ગુરુ મહારાજને ગતિશીલ કરવામાં આવ્યા હતા. તેઓ ૧૪મી ઑગસ્ટથી પલંગ પર આરામ કરી રહ્યા છે. ગુરુ મહારાજને ખુરશી પર બેસાડવાની યોજના હતી. તેમની વ્હીલચેરનો ઉપયોગ સ્વચ્છ કર્યા પછી ઉપયોગમાં લેવાનો હતો કેમ કે અન્ય કોઈ વિકલ્પ ન હતો.

થોડુંક નાળિયેલ તેલ લગાવ્યા પછી ગુરુ મહારાજની ગૂંચવાયેલી શીખાને વ્યવસ્થિત કરવામાં આવી હતી અને તેની પર ટોપી મૂકવામાં આવી હતી. યોગ્ય મદદ લીધા પછી, ગુરુ મહારાજને વ્હીલચેર પર બેસાડવામાં આવ્યા હતા.

આજે ગુરુ મહારાજ વધુ સારા દેખાઈ રહ્યા હતા. ટ્રેકોસ્ટોમીના કારણે તેઓ બોલ્યા હતા તેને અમે સારી રીતે સાંભળવામાં સક્ષમ નહોતા, પરંતુ તેમના હોઠ વાંચીને અને આલ્ફાબેટીક ચાર્ટની મદદથી તેમને સમજવાનો પ્રયત્ન કર્યો.

વ્હીલચેર પર બેસતી વખતે, ગુરુ મહારાજે કહ્યું હતું કે, “હવે હું સૌથી વધુ મુશ્કેલ સમયમાં છું.” અમે સમજી શકીએ છીએ કે તેઓ ઇચ્છે છે કે ભક્તો ખરેખર તેમને આ મુશ્કેલ પરિસ્થિતિમાંથી બહાર નીકળવામાં મદદ કરવા માટે પ્રાર્થના કરે. તેમણે વેન્ટિલેટરના સમર્થન વગર શ્વાસ લેવા માટે સક્ષમ થવા તેમના ફેફસાની સ્થિતિમાં સુધારો કરવા માટે સખત મહેનત કરવી પડશે. તેમના નવા યકૃત અને કિડની સારી રીતે કાર્ય કરી રહ્યા છે.

તેમણે માનસિક રીતે ગાયત્રી મંત્રનો પણ જપ કર્યો કારણકે શસ્ત્રક્રિયા દરમિયાન તેમની બ્રાહ્મણ જનોઈ દૂર કરવામાં આવી હતી. અમે નોંધ્યું છે કે તેમણે તેમના જપ મશીન પર જપ કર્યા હતા.

જોકે અસ્થાયી રૂપે તેઓ લગભગ અશ્રાવ્ય છે, તેમ છતાં, તેમણે એક મહિલા નર્સ જે ડ્યુટી પર હતી તેને એક ક્લિકર મશીન આપવા માટે અને કે જે કામ પર હતી અને નાના ક્લિકર પર કેવી રીતે જપ કરવા તે શીખવવા માટે અમને જણાવવા માટે થોડા પ્રયત્નો કર્યા હતા. વાસ્તવમાં, આવી મોટી શસ્ત્રક્રિયાના પાંચ દિવસ પછી અને ભાગ્યે જ બોલવા માટે સક્ષમ, લગભગ અશ્રાવ્ય, શરીરમાં ભાગ્યે જ કોઈ ઊર્જા સાથે, અહીંયા તેઓ કોઈ વ્યક્તિને પ્રચાર કરી રહ્યા છે. અમે આશ્ચર્યચકિત હતા!!!

કોઈ મનુષ્યની પાસે બીજાઓને ભગવાનની મહિમાનો પ્રચાર કરવા સિવાય શું સારું વ્યસન હોઈ શકે.

સ્ત્રી નર્સે કહ્યું કે તે ખૂબ જ ભાગ્યશાળી છે અને એ પણ ઉલ્લેખ કર્યો કે, “મેં ક્યારેય પ્રત્યારોપણ દર્દીને જોયા નથી કે જે ગુરુજીના રૂપમાં આટલા સહયોગી હોય.” મોટાભાગના આઇસીયુ કર્મચારીઓએ અમને જણાવ્યું કે તેઓ વારંવાર ઇન્ટરનેટ પર ગૂગલમાં ગુરુ મહારાજની શોધ કરે છે અને તેમના પ્રવચનો સાંભળે છે.

અમે ગુરુ મહારાજને જણાવ્યું કે સમગ્ર વિશ્વમાં હજારો ભક્તો, તેમના ગુરુ ભાઈઓ અને ગુરુ બહેનો તેમના માટે પ્રાર્થના કરી રહ્યા છે. તેમના બધા વરિષ્ઠ શિષ્યો પ્રથમ દિવસથી જ અહીં ચેન્નઇમાં છે. તેઓએ તેમના બધાનો આભાર માન્યો.

તેમના ગાયત્રી મંત્રના જપ કર્યા પછી, તેઓએ ઈશારો કર્યો કે તેમને થાક લાગી રહ્યો હતો. તેઓ લગભગ એક કલાક સુધી બેઠા હતા. પછી અમે તેમન પાછા પલંગ પર સ્થળાંતરિત કર્યા તેઓ બધા ભૌતિક અવરોધો સામે દિવ્ય બની રહ્યા છે.

ચાલો આપણે તેમની ઝડપી પુનઃસ્વાસ્થ્ય પ્રાપ્તિ માટે પ્રામાણિકપણે જપ કરીએ અને પ્રાર્થના કરીએ કે જેથી તેઓ આગામી ઘણા વર્ષો સુધી માર્ગદર્શન આપતા માટે તો આપણી પાસે રહે. તેમની ઉપસ્થિતિ ભગવાન ચૈતન્યના ચરણકમળમાં વધારે આત્માઓ લાવશે.

જેપીએસ સેવા સમિતિ અને સ્વાસ્થ્ય ટીમ વતી,
મહા વરાહ દાસ