પ્રિય ગુરુ-પરિવાર, શિષ્યો અને શ્રી શ્રીમદ્દ જયપતાકા સ્વામી ગુરુ મહારાજના શુભચિંતકો.

કૃપા કરીને અમારા વિનમ્ર પ્રણામનો સ્વીકાર કરશો. શ્રીલ પ્રભુપાદની જય!

તમને બધાને ખબર છે કે સફળ શસ્ત્રક્રિયા પછી ગુરુ મહારાજ હવે એક અગત્યના તબક્કામાંથી પસાર થઈ રહ્યા છે, એક નિર્ણાયક સમય, જે દરમિયાન તેમના શરીરે નવા અંગો સ્વીકારવા જ જોઈએ અને સાથે સાથે કોઈપણ ચેપથી દુર રહેવાનું છે. વાસ્તવમાં, ચિકિત્સકો શલ્ય ચિકિત્સાની સરખામણીમાં શલ્ય ચિકિત્સા પછીના સમય વિશે વધુ ચિંતિત છે.

આપણા બધા માટે એક મોટા ઇસ્કોન પરિવારના રૂપમાં ભેગા થવાનો અને ગુરુ મહારાજની ઝડપી અને સરળ પુનઃસ્વાસ્થ્ય પ્રાપ્તિ માટે એક સાથે ફરીથી પ્રાર્થના કરવાનો આ મહત્વપૂર્ણ સમય છે.

આપણે જ્યાં પણ હોઈએ, આપણે પ્રાર્થના ચાલુ રાખવી જોઈએ, વધુ પ્રચાર કાર્યક્રમો અને પુસ્તક વિતરણ, હરિનામ નગર સંકીર્તન, તુલસી પરિક્રમા, ઉપવાસ, યજ્ઞો વગેરે કરવું જોઈએ અને https://www.jayapatakaswami.com/ પર આપણા અહેવાલો મોકલવા જોઈએ અને https://www.facebook.com/groups/882047041862468/ પર ફોટો અને વીડિયો વહેંચવા જોઈએ. આ ગુરુ મહારાજને અત્યંત ખુશ કરશે અને તેમને મદદ કરશે.

પ્રથમ મેરેથોન : કિર્તન અને પ્રસાદ

ચાલો સફળ શસ્ત્રક્રિયા માટે ભગવાન કૃષ્ણની આપણા પર અહૈતુકી કૃપાનું મહિમાગાન કરીએ અને કિર્તનની મેજબાની કરીએ અને વિશ્વભરમાં રવિવારના કાર્યક્રમોમાં ભક્તોને પ્રસાદ વિતરણ કરીએ અને ઝડપી પુનઃસ્વાસ્થ્ય પ્રાપ્તિમાં ગુરુ મહારાજને મદદ કરવા માટે ભગવાનને પ્રાર્થના કરીએ. સ્થાનિક ભક્તો તેમની ક્ષમતા અનુસાર મેજબાની અને પ્રયોજકની જવાબદારી સ્વીકારવા સ્વયંસેવક બની શકે છે. કૃપા કરીને વ્યક્તિગત રીતે વરિષ્ઠ ભક્તોની સેવા કરો અને તેમના આશીર્વાદ માટે પ્રાર્થના કરો. આપણે વૈષ્ણવોને પ્રસાદ આપવાનો લાભ ગુરુ મહારાજને આપી શકીએ છીએ.

દ્વિતિય મેરેથોન
૬૪-માળા એકાદશી જપ મેરેથોન

અમે આગામી ૨૨ ઓગસ્ટની એકાદશીએ ગુરુ મહારાજની ઝડપી પુનઃસ્વાસ્થ્ય પ્રાપ્તિ માટે જીવંત ઝૂમ ૬૪-માળા જપ મેરેથોનની મેજબાની કરીશું.
અમે ૨૨મી ઑગસ્ટના રોજ ભારતીય માનક સમય મુજબ સવારે ૬:૦૦ કલાકે શરૂ કરીશું અને ૨૪ કલાક માટે ચાલુ રાખીશું, કે જેથી અલગ અલગ સમય ક્ષેત્રના ભક્તો તેમની સગવડ પ્રમાણે ૬૪ માળા સુધી જપ કરી શકે. (સમૂહમાં જપ કરવો સૌથી વધુ અસરકારક છે).

તૃતિય મેરેથોન
૩૦ દિવસીય જપ મેરેથોન ૨૦ ઓગસ્ટ ૨૦૧૮થી ઝૂમ પર શરૂ થઈ રહી છે.

અમે ગુરુ મહારાજની ઝડપી પુનઃસ્વાસ્થ્ય પ્રાપ્તિ માટે આંતરરાષ્ટ્રીય જપ કૉલને સમર્પિત ૬ થી ૮ કલાકે આઈએસટી (ભારતીય માનક સમય) અને ૬ થી ૮ કલાકે સીએસટી (કેન્દ્રીય માનક સમય) વચ્ચે ૨ કલાકના બે સમય ક્ષેત્રની મેજબાની કરીશું.

ગુરુ મહારાજના સ્વાસ્થ્ય અદ્યતન બાદ દરેકને પ્રોત્સાહિત કરવા માટે આપણે કેટલાક વરિષ્ઠ ભક્તોને પણ થોડાક શબ્દો બોલવા માટે આમંત્રિત કરી શકીએ છીએ.

ઝૂમ લિંક: https://zoom.us/j/9676383249

ગુરુ મહારાજની પુનઃપ્રાપ્તિની સફળતા તમારા પર આધારિત છે. વાસ્તવિક ઔષધી તમારી પ્રાર્થના છે. કેમ કે તમારી સામૂહિક વિશાળ પ્રાર્થના મહાપ્રભુ સમક્ષ આપણા રુદનનું કારણ બની જાય છે, માટે જો તેઓ ઈચ્છે તો, ચૈતન્ય મહાપ્રભુ તેમના અંતરંગ પાર્ષદને આપણી સાથે રહેવા અને લાંબા સમય સુધી માર્ગદર્શન આપવાની મંજૂરી આપશે. આપણો પરિવાર, આપણો સમૂહ, અને સૌથી અગત્યનું ગુરુ મહારાજે આને વારંવાર ફરીથી સાબિત કર્યું છે. ગુરુ મહારાજને સંપૂર્ણ વિશ્વાસ છે કે પ્રાર્થનાઓથી તેઓ આ સ્થિતિમાંથી બહાર આવી શકે છે અને તેમની સેવાઓને ચાલુ રાખી શકે છે.

ગુરુ મહારાજની જય!
શ્રીલ પ્રભુપાદની જય!
ગૌરાંગ!

આપના નમ્ર સેવક,

જેપીએસ સેવા સમિતિ
જેપીએસ સ્વાસ્થ્ય
જેપીએસ પ્રાર્થના સમૂહ