“ગદાધર પંડિત ચોથી શાખા છે, શ્રી કૃષ્ણની આહ્લાદિની શક્તિના અવતારના રૂપમાં વર્ણિત છે. તેથી કોઈ પણ તેમના તુલ્ય નથી.”
– ચૈતન્ય ચરિતામૃત

ગૌર-ગણોદેશ-દીપિકામાં (૧૪૭-૫૩) એવું કહેવામાં આવ્યું છે કે, “શ્રી કૃષ્ણની આહ્લાદિની શક્તિ, જે પહેલાં વૃંદાવનેશ્વરી તરીકે ઓળખવામાં આવતી હતી હવે ભગવાન ચૈતન્ય મહાપ્રભુની લીલામાં શ્રી ગદાધર પંડિતના રૂપમાં પ્રગટ થઈ છે.” શ્રી સ્વરૂપ દામોદર ગોસ્વામીએ કહ્યું છે કે લક્ષ્મીના રૂપમાં, શ્રી કૃષ્ણની આહ્લાદિની શક્તિ, તે પહેલાં શ્યામસુંદર-વલ્લભાના રૂપમાં ભગવાનને બહુ પ્રિય હતી. આ શ્યામસુંદર-વલ્લભા ભગવાન ચૈતન્ય મહાપ્રભુની લીલામાં શ્રી ગદાધર પંડિતના રૂપમાં ઉપસ્થિત હતી. પહેલાં, લલિતા-સખીના રૂપમાં, તે હંમેશા શ્રીમતી રાધારાણીને સમર્પિત હતી. આમ ગદાધર પંડિત એક સાથે રાધારાણી અને લલિતા-સખીના અવતાર છે.

જેપીએસ મીડિયા