પ્રિય ગુરુ-પરિવાર; શિષ્યો અને ગુરુ મહારાજના શુભચિંતકો,

કૃપા કરી મારા વિનમ્ર પ્રણામનો સ્વીકાર કરશો. શ્રીલ પ્રભુપાદની જય.

નળી બહાર નીકાળ્યા બાદ (વેન્ટિલેટર બંધ કર્યા બાદ) ગુરુ મહારાજ ખૂબ સારી રીતે કરી રહ્યા છે પરંતુ ડોકટરોની અપેક્ષા પ્રમાણે નહીં. ડોકટરો આજે બપોરે તેમને આઇ.સી.યુ. માંથી સામાન્ય વોર્ડમાં સ્થાનાંતરિત કરવાનું આયોજન કરી રહ્યા હતા પરંતુ તેઓ હજુ પણ તેમના શ્વાસની બાબતે વધુ સારું કરવા માંગે છે. તેઓ ગુરુ મહારાજની નાજુક સ્થિતિને ધ્યાનમાં રાખીને કોઈ પણ જોખમ લેવા માંગતા નથી.

તેઓ હજુ પણ લોહીમાં કાર્બન ડાયોક્સાઇડની વધારાની માત્રા જાળવી રહ્યા છે અને માત્ર તેમના શ્વાસના સ્વરૂપ અને પ્રયત્નોમાં સુધારો કરીને આનાથી છુટકારો મેળવી શકે છે. જેમ કે મેં મારા પહેલાંના સંદેશમાં સમજાવ્યું છે, આ હંમેશા એક મહાન પડકાર રહ્યો છે . જો કે, તેમના અન્ય બધા માપદંડ સ્થિર છે અને તેમને આજે હલકું મિતાહારી ભોજન લેવાની મંજૂરી આપવામાં આવી છે. તેઓ સભાન છે અને સારી વાતચીત કરી રહ્યા છે. તેમના ઊર્જા સ્તરમાં સુધારો થયો છે.

આજે, શ્યામ મધુસુદન પ્રભુએ ગુરુ મહારાજને પૂછ્યું હતું કે તેઓ કોઈ પણ પુસ્તક વાંચવા માગે છે. તો ગુરુ મહારાજે લાંબો સમય વિચાર્યું અને પછી શ્યામ પ્રભુને નરહરી સરકાર ઠાકુરની “ભક્તિ રત્નાકાર” માંથી ૧૧ અને ૧૨ અધ્યાયને વાંચવા કહ્યું. શ્યામે જેવો તેમનો ફોન ચાલુ કર્યો, તેમણે જોયું કે આજે શ્રી મધુ પંડિતનો તિરોભાવ દિવસ અને સીતા દેવી અને જાહ્નવા માતાનો આવિર્ભાવ દિવસ છે અને ગુરુ મહારાજને આ જણાવ્યું. ગુરુ મહારાજ આ સમાચાર સાંભળીને સંતુષ્ટ હતા. પછી, શ્યામ પ્રભુએ “ભક્તિ રત્નાકર” નો ૧૧ મો અધ્યાય વાંચવાનું શરૂ કર્યું અને એ જાણવા મળ્યું કે સંપૂર્ણ માહિતી જાહનવા માતાની મહિમા અને વૃંદાવનમાં તેમની ભગવાન કૃષ્ણ સાથેની અને બધા ગૌડિય ભક્તો સાથેની લીલા વિશે હતી. તેમનામાંથી કોઈ જાણતું નહોતું કે કોનો આવિર્ભાવ અને તિરોભાવ દિવસ હતો અને તેઓમાંથી કોઈ આજનું વૈષ્ણવ કેલેન્ડર જુએ તે પહેલાં ગુરુ મહારાજે પહેલાથી જ ખાસ અધ્યાયોને વાંચવા માટે પસંદ કર્યા હતા. પરંતુ ગુરુ મહારાજે ખાસ કરીને આ બે અધ્યાયોને એ કહેતાં પસંદ કર્યા કે તેઓ વૃંદાવન પરિક્રમા વિશે સાંભળવા માગતા હતા. આ બધું જાહ્નવા ઈશ્વરીની ખાસ કૃપાનું જ સ્વરૂપ હોવું જોઈએ, તેઓ ભગવાન નિત્યાનંદની શક્તિ સિવાય બીજા કોઈ નથી.

ગુરુ મહારાજના ઝડપી પુનઃસ્વાસ્થ્ય અને કલ્યાણ માટે કૃપા કરીને તમારી પ્રાર્થના અને સાધના જાળવી રાખો અને/અથવા વધુ તીવ્ર કરો.

ગુરુ મહારાજની સ્વાસ્થ્ય ટીમ અને જેપીએસ સેવા સમિતિ વતી,

મહા વરાહ દાસ